अपडेट : हुम्लामा फिस्टेल एयरको हेलिकोप्टर दुर्घटना, ३ गम्भीर,२ सामान्य घाइते

५ असार, काठमाडौं । हुम्लाको तम्कोट फिस्टेल एयरको हेलिकोप्टर दुर्घटना
भएको छ । हिल्साबाट सिमिकोटबाट उडेको हेलिकोप्टर मुचु गाविस- ६ को
तम्कोटमा अपराहृन दुर्घटना भएको हो । हेलिकोप्टरमा चालक दलका सदस्यसहित ५
जना थिए ।
उनीहरुमध्ये ३ जनाको अवस्था गम्भीर छ भने २ जना सामान्य घाइते भएका छन् ।
हेलिकोप्टरमा पाइलट डेभिड, गोमा एयरका कर्मचारीहरू गोविन्द लामा, प्रज्वल
भट्टरार्इ र देवी शेर्पा र हुम्ला टावरका कर्मचारी टेकबहादुर तापली
रहेकाछन् ।
सिमिकोटमा ४ बजेर २० मिनेटमा ल्याण्ड हुनु पर्ने हेलिकोप्टर नआएपछि खोजी
गर्दा दुर्घटना भएको भेटिएको स्रोतले बताएको छ । दुर्घटनामा के कति क्षति
भयो खुल्न सकेको छैन । उद्दारका लागि नेपालगञ्जबाट फिस्टेल एयरको अर्को
हेलिकोप्टर गएको छ भने प्रहरीको टोली पुग्दैछ । प्रहरीका अनुसार घटनास्थल
सदरमुकामबाट २ दिनको पैदलदुरीमा पर्छ ।source onlinekhabar.com