भारतको गुप्तकाशीमा सयौं नेपाली तीर्थयात्री अलपत्र

भारतीयलाई हेलिकोप्टरबाट उद्धार, नेपालीलाई बेवास्ता
५ असार, काठमाडौं । चारधाम तीर्थयात्राका लागि भक्तपुरबाट हिँडेका सयौं
नेपाली तीर्थयात्रीहरु भारतको उत्तराखण्ड राज्य अन्तरगतको गुप्तकाशी
गाउँमा बाढीको चपेटामा अलपत्र परेका छन् । जेठ १७ गते भक्तपुरबाट ३ वटा
गाडीमा चारधाम यात्रामा हिँडेका नेपालीहरु केदारनाथको दर्शन गर्ने क्रममा
सो क्षेत्रमा बाढीको चपेटामा परेको तीर्थयात्रीका आफन्त दशरथ अर्यालले
अनलाइनखबरलाई बताउनुभयो ।
'बाढी आएपछि गाडीबाट ओर्लेर भागाभाग हुँदा को कहाँ पुग्यो पत्तो छैन,
हाम्री आमा र अरु धेरै नेपालीहरु गुप्तकाशी भन्ने ठाउँमा रहनुभएको
टेलीफेनबाट जानकारी आएको छ ।' अर्यालले भन्नुभयो, 'खानेकुरा केही नपाइने
महंगो ठाउँ रहेछ, साथमा भएको पैसा पनि सकियो रे,भिजेको लुगा फेर्ने उपाय
पनि छैन रे ।'
आफूहरुले यसबारे सरकारसँग कुरा गर्दा पक्रिया पुर्याउनुपर्ने र निवेदन
दिनुपर्ने भन्दै वेवास्ता गरिएको अर्यालले बताउनुभयो । 'भारतले आफ्ना
नागरिकलाई हेलिकोप्टरमा ओसारेको सुनियो, हाम्रा मान्छेका बारेका कसैले
केही पहल गरेन ।'- भक्तपुरको कौशलटार निवासी अर्यालले भन्नुभयो- 'तीनवटा
गाडीमा भक्तपुरको कौशलटार र गोठाटारबाट स्थानीयवासीहरु चारधाम निस्केका
हुन् । अहिले कौशलटार र गोठाटारका मानिस ब्याकुल भएका छौं ।'
नेपाली तीर्थयात्रीहरु अलपत्र परेको गुप्तकाशी भन्ने ठाउँ उत्तराखण्ड
राज्यको रुद्रप्रयाग जिल्लामा पर्दछ । यो क्षेत्र ४ हजार ३ सय २७ फिट
उचाइमा केदारखण्डमा रहेको