प्रहरी कारवाहीमा एकको मृत्यु

१३ असोज, सिरहा । सिरहाको जिझोल गाउँ विकास समितिस्थित कटनीया खोलामा
प्रहरी र हतियारधारी समूहबीच भिडन्त हुँदा एकको मृत्यु भएको छ । मृत्यु
हुनेमा सिरहाकै असनपुरका सन्तोष सिंहको मृत्यु भएको प्रहरीले जनाएको छ ।
गस्तीमा रहेको प्रहरीमाथि गएराती हतियारधारी समुहले गोली चलाउंदा जवाफी
कारवाहीमा सिंहको मृत्यु भएको प्रहरीले जनाएको छ । मृतक सिंह बिभिन्न
लुटपाट र चन्दा आतंकमा संलग्न रहदै आएका थिए । जिल्लामा लुटपाट, हत्या र
अपहरणको घटना बढ्न थालेपछि प्रहरीले बिशेष गस्ती टोलीको शुरुवात गरेको
थियो । घटनामा संलग्न अन्य हतियारधारी भने फरार भएको प्रहरीले जनाएको छ ।