प्रहरी जवानको हत्या भएपछि बजार बन्द

११ असोज,ताप्लेजुङ । हिजो प्रहरी जवानको हत्या भए पछि आज विहानै देखि
जिल्लाकै दोश्रो ठुलो बजार दोभान बन्द गरिएको छ । प्रहरी जवान
भुपाल आचार्यको अज्ञात समुहले हत्या गरेपछि स्थानीय बजारबासी त्रासित
बनेर बजार बन्द गरेको व्यापारीहरुले बताएका छन् । दोभानमा रहेका एक सय
बढी
पसलहरु अहिले बन्द छन् । आफ्नै अगाडी हत्या भएकोले पनि त्रसित बनेर बजार
बन्द गर्नु परेको व्यापारीहरुले जनाएका छन् । घटनामा अर्का प्रहरी जवान
चन्द्र देवान राई गर्भीर घाईते भई विपी कोईराला बिज्ञान प्रतिष्ठान
धरानमा लगिएको जिल्ला प्रहरी कार्यालय ताप्लेजुङले जनाएको छ । घटनामा
संलग्न रहेको आशङ्कामा प्रहरीले ४ जनालाई नियन्त्रणमा लिएको छ।