राख्न दिएको पैसा प्रहरी चौकीमै गायब

१८ साउन, रामेछाप । रामेछापको पि्रती गाविसमा रहेको दर्खा माइक्रो हाइड्रो समितिले सुरक्षाकालागि इलाका प्रहरी कार्यालयमा राख्न दिएको ८६ हजार ५ सय रुपैयाँ प्रहरीचौकीबाटै गायब भएको छ ।
विगत १० वर्षदेखि सञ्चालनमा आएको उक्त हाइड्रो पावर मर्मतका लागि सामान किन्न एकसय १० घरका उपभोक्ताबाट रकम सङ्कलन गरिएको उपभोक्ता वासुदेव भण्डारीले बताउनुभयो ।
इलाका प्रहरी कार्यालयका प्रहरी नायब निरीक्षक तीर्थराज उप्रेतीलाई दोहोरो कागज गरेर रकम राख्न दिएको भएपनि रकम माग्नका लागि जाँदा उप्रेतीले आलटाल गरी लामो समयसम्म पनि पैसा नदिएको हाइड्रो पावर उपभोक्ता समितिले बताएको छ ।
गत जेठ २ गते राख्न दिएको पैसा उप्रेतीले नदिएपछि मङ्गलबार हाइड्रो पवारको बिगि्रएको विद्युत्को सामान इलाका प्रहरी कार्यालयमा लगेर राखिदिएको उपभोक्ता समितिले बताएको छ ।
उप्रेतीले पैसा नदिएसम्म सो सामान प्रहरी कार्यालयमै राखिने स्रोतले बताएको छ । उप्रेतीले भने उपभोक्ता समितिका कोषाध्यक्षले पैसा लगिसकेको प्रतिक्रिया दिएका छन् ।