जीप पल्ट्यो, कास्कीमा फेरि आज सात जनाले ज्यान गुमाए

काठमाडौं, वैशाख २४ (नागरिक) - हिजोमात्र ठूलो प्राकृतिक विपत्ति भोगेको कास्कीमा आज बिहान भएको सडक दुर्घटनामा परी सात जनाले ज्यान गुमाएका छन्। कास्कीको धिताल गाविसमा भएको जीप दुर्घटनामा परी सातको ज्यान गुमेको छ। दुर्घटनामा घाइते भएकाहरुलाई पोखरा ल्याइँदैछ।
जीप सडकबाट ३ सय मिटर तल खसेको एभिन्युज टेलिभिजनले जनाएको छ। घाइतेहरुको अवस्था गम्भीररहेको बताइएको छ। ग १ ज ३२४८ नम्बरको जीप दुर्घटनामा परेको हो।
हिजो बाढीमा परी १३ ले ज्यान गुमाएका थिए।