बस दुर्घटनामा २ जनाको मृत्यु, ४ घाइते

धनगढी - कैलालीको बलिया–८ डुँडेझारीमा आज ना४ख ६४८ नम्बरको यात्रुबाहक बस
दुर्घटना हुँदा दुई जनाको मृत्यु भएको छ भने ४ जना घाइते भएका छन्।
दुर्घटनामा परी मृत्यु हुनेमा सिउनी– ६ बर्दियाका २२ वर्षीय प्रकाश खड्का
एक महिला रहेकी छन्। मृतक महिलाको सनाखत हुन सकेको छैन। बसमुनि च्यापिएर
रहेकी ती महिलाको शव निकाल्न डोजर मगाइएको प्रहरले जनाएको छ।
नेपालगञ्जबाट धनगढीतर्फ आइरहेको बस बिहान करिव १० बजेतिर दुर्घटना भएको
प्रहरीले जनाएको छ।
घाइते हुनेमा दाङका मनोज चौधरी, बर्दियाकाअक्कल साउद, सुर्खेतका अने
नेपाली र नवराज भण्डारी रहेका छन्। घाइतेहरुको मध्ये ३ जनाको लम्किस्थित
स्थानीय अस्पतालमा उपचार भैरहेको र गम्भीर घाइते मनोज चौधरीलाई नेपालगञ्ज
रेफर गरिएको इलाका प्रहरी कार्यालय लम्कीले जनाएको छ।