जीप दुर्घटनामा १३ घाइते

बाग्लुङमा जीप दुर्घटना हुँदा १३ जना घाइते भएका छन्। बाग्लुङ बजारबाट दमेकका लागि छुटेको ध १ च पिक अप जीप शनिबार बाग्लुङ नगरपालिका-४ देउराली चोकमा दुर्घटनाग्रस्त हुँदा चालकसहित सबै यात्रु घाइते भएका हुन्। घाइतेहरुको अहिले धौलागिरी अञ्चल अस्पताल बागलुङमा उपचार भइरहेको छ। गम्भीर घाइते तीन जनालाई थप उपचारका लागि पोखरा पठाइएको छ।
घाइते हुनेमा हुग्दिशिर-६ का चन्द्रबहादुर विक, सोही स्थानका सेती विक, मिलन आले, सिगाना-३ का केशव खड्का, सोही स्थानका रामबहादुर खड्का, हुग्दिशिर-४ का दीपक थापा, सिगाना-१ का कृष्ण बस्याल, सोही स्थानका मिलन मिजार हुग्दिशिर-५ का दुर्गाबहदुर घर्ती, सिगाना-१ का माया बोहोरा, धुल्लुबाँसकोटकादिलकुमारी विक, हुग्दिशिर-१ का हरिप्रसाद विक, बरेङका बलवीर थापा, उमा थापा ,रायडाँडा-७ का रमेश छन्।
जिप चालक रायडाँडा-३ का डम्बर केसीलाई सामान्य चोट लागेको छ। चालकलाई नियन्त्रणमा लिएको सूचना अधिकृत प्रहरी नायव निरीक्षक शैलेन्द्रकुमार खड्काले बताए।
प्रतिक्रियाहरू (0)