'अहिले देशलाई राष्ट्रवादी आन्दोलनको खाँचो'

३ असोज, काठमाण्डौ । राष्ट्रिय प्रजातन्त्र पार्टी नेपालका अध्यक्ष कमल
थापाले मुलुकको राष्ट्रिय अखण्डतालाई जोगाउन अहिले राष्ट्रवादको आन्दोलन
आवश्यक रहेको बताएका छन् । राष्ट्रिय प्रजातान्त्रिक विद्यार्थी सङ्गठनको
राजधानीमा आजआयोजना गरेको विद्यार्थी भेलालाई सम्बोधन गर्दै उनले अहिले
राष्ट्रिय राजनीतिमा आत्मसमर्पणवाद चिन्तन विकास हुँदै गएकाले
राष्ट्रियता संरक्षण गर्न राष्ट्रवादी आन्दोलन आवश्यक देखिएको बताएका छन्
।
अध्यक्ष थापाले पछिल्लो जनआन्दोलनको प्रारम्भ विदेशमा भएकाले आन्दोलन सफल
भए पनि मुलुकमा स्थिरताकायम हुन नसकेको उल्लेख गरे । अध्यक्ष थापाले
विश्वविद्यालयमा राजनीतिक भागबन्डाका आधारमा पदाधिकारीको विभाजन र
नियुक्ति गरिने परम्पराले गुणस्तरीय र आत्मनिर्भर बनाउने शिक्षाको विकास
हुन नसकेको बताए । रासस