बाँकेमा आगलागी हुँदा ३५ घर नष्ट, आगो अझै नियन्त्रण बाहिर

बाँके, असार १- बाँकेको मटैया गाविस-८ मा आज बिहान भएको आगलागीमा परी ३५ वटा घर जलेर नष्ट भएका छन् भने आगो अहिलेसम्म नियन्त्रणमा आउन सकेको छैन।
स्थानीय जलाल खाँको घरबाट सुरु भएको आगलागी नियन्त्रण गर्न सदरमुकाम नेपालगन्जबाट ५० किमी टाढा रहेको सो ठाउँमा दमकल गए पनि अझै पुग्न नसकेकाले आगो नियन्त्रणमा आउन नसकेको हो।
यसअघि मङ्गलबार दिउँसो सोही गाउँमा भएको आगालागीमा परी १४८ घर जलेर नष्ट हुँदा झन्डै आठ करोड रुपैयाँभन्दा बढीको क्षति भएको थियो।
अहिले प्रहरी र स्थानीय बासिन्दाको सहयोगमा आगो नियन्त्रणको प्रयास भइरहेको र जिल्लाबाट पनि थप प्रहरी टोली पठाइएको प्रहरी उपरीक्षक विक्रमसिंथापाले बताए। रासस