चौथी खेल्ने क्रममा एकको मृत्यु, २ जना घाईते

४ असोज, रामेछाप । रामेछापको टोकरपुर गाविसमा चौथी खेलेर र्फकने क्रममा १
जनाको भिरबाट लडेर मृत्यु भएको छ भने २ जना घाईते भएको छ । मृत्यु हुनेमा
टोकरपुर ९ स्थित रजमान निवासी १४ वर्षे विर बहादुर विसुन्खे रहेको जिल्ला
प्रहरी कार्यालय मन्थलीका प्रहरी नायव निरिक्षक राजेन्द्र थापाले बताए ।
सोहीवडाको राम श्रेष्ठको घरमा चौथी खेलेर र्फकदा दौडने क्रममा भिरबाट
लडेको बताइएको छ । सँगै गएको सोही गाविसका १२ वर्षे केदार मग्राती र १३
वर्षे चित्र बहादुर विसुन्खे घाईते भएका छन, घाईते २ जनाको स्थानिय
टोकरपुर स्वास्थ्य चौकीमा उपचार भैरहेको छ ।
मृतकको पोष्टमार्टमका लागि सदमुकाम मन्थली ल्याईएको प्रहरी नायक निरिक्षक
थापाले जनाएको छ । मृतकको टाउको र पेटमा चोट लागेको छ । घटना के करण
भएकोहो भन्ने थप विवरण आउन भने अझै बाकी रहेको प्रहरीले जनाएको छ ।