जीप दुर्घटना २ को मृत्यु, २ घाइते

१७ भदौ, दाङ । दाङमा गयराति भएको जीप दुर्घटना हुँदा २ जनाको मृत्यु भएको छ । २ जना घाईते भएका छन् । सल्यानवाट दाङ जाँदै गरेको आउँदै गरेको जीप तुलसीपुर १ मा दुर्घटना हुँदा सल्यान धनवाङ ७ का २७ बर्षका सुरेश रहमान र सोही ठाउँका १६ वर्षकी कल्पना खड्काको घटनास्थलमै मृत्यु भएको हो ।
जीप राती १ वजेतिर दुर्घटना भएको हो । जिप सडक देखी करिव २ सय मिटर तल खोल्सामा खसेको राप्ती अंचल प्रहरी कार्यालय तुलसीपुरले जनाएको छ
दुर्घटनामा परी घाईते भएकि सल्यान धनवाङ ७ कि लक्ष्मि खड्कालाई तुलसीपुरमा प्रारम्भीक उपचार पछि थप उपचारका लागी नेपालगन्ज रिफर गरिएको छ । अर्का घाईते जिप चालक नेत्रवहादुर खड्काको अवस्था भने सामान्य रहेको छ ।