टिपर र ट्रक ठोक्किँदा ३ जना घाइते

रामेश्वर कार्की, धादिङ, साउन २४ - पृथ्वी राजमार्ग अन्तर्गत धादिङको थाक्रे गाविस -४ आठकिलोमा आज बिहान साढे ७ बजेतिर टिपर र ट्रक ठोक्किँदा ३ जना घाइते भएका छन्। घाइते मध्ये ट्रक चालक गम्भिर रहेको महादेववेसी प्रहरी चौकीका प्रमुख प्रहरी नायव निरीक्षक विजय शर्माले बताएका छन् ।
काठमाडौंबाट बैरेनी जाँदै गरेको बा२ख ५६५३ नम्बरको टिपरले गजुरीबाट काठमाडौं आउँदै गरेको ना४ख ३२८२ नम्बरको मालबहाक ट्रकलाई ठक्कर दिँदा दुर्घटना भएको प्रहरीले जनाएको छ।
टिपर चालक सामान्य घाइते छन्। गम्भिर घाइते भएका ट्रक चालकको उपचारको लागी काठमाडौं पठाइएको छ। अर्का एक घाइतेको महादेवबेसी अस्पतालमा उपचार भइरहेको छ। हाल सडक सुचारु छ।