केही छिनअघि विमानस्थलमा अतवरण गरेका भारतीय राष्ट्रिय क्रिकेट टोलीका कप्तान महेन्द्र सिंहधोनीले दक्षिण एशियाकै क्रिकेट माथि रहेको बताउँदै नेपाल अर्को एउटा राम्रो क्रिकेट टोलीको रुपमा उदाउनु पर्ने बताएका छन्। एयर इन्डियाको फ्लाइटबाट ९:१५ मा काठमाडौं विमानस्थलमा अवतरण गरे लगत्तै पत्रकार सम्मेलनमा बोल्दै उनले भने- 'दक्षिण एशियामै क्रिकेट राम्रो छ। नेपाल पनि माथि आएर दक्षिण एशियामा अर्को एउटा राम्रो टिमको रुपमा उदाउनु पर्छ।
मलाई लाग्छ त्यसका लागि नेपालले केही समय पर्खनु पर्नेछ।' विमानबाट उत्रेदेखि नै आफ्नो स्वागतमा आएका युवातर्फ संकेत गर्दै उनले भने- 'मैले नेपाली क्रिकेटको बारेमा पहिलै केही सुनेको छु। यहाँ स्पोर्ट्स यस्तो लोकप्रिय रहेछ कि विमानबाट ओर्लेदेखि नै न्यानो स्वागत पाइरहेको छु।' विश्व क्रिकेटका सबैभन्दा ठूला स्टारमध्येका एक धोनीको नेपाल भ्रमण अहिलेसम्मकै खेलकुदको 'हाई प्रोफाइल' भ्रमण हो।
No comments:
Post a Comment