लहानबाट फेरी अपहरण

मिथिलेश यादव, लहान, असार १७- एउटा अपहरणका घटना सेलाउन नपाउँदै लहानवाट फेरी अपहण भएको छ। सिरहा पानवारि निवासी चन्द्र यादव शनिवार राती लहानवाट अपहरीत भएका छन्। अपहरीत यादवको वस्था अज्ञात छ।
सिरहा प्रहरी प्रमुख राजेश लाल कर्णका अनुसार, यादवलाई सप्तरी महुली निवासी तैयव मिँयाको समुहले शनिवार राति जिपमा वसाएर अपहरण गरेको छ।यादवले मियाँकी पत्नीलाई २ महिना पहिला भगाएको वदला स्वरुप उनको अपहरण गरिएको कर्णले बताए।
मियाँ समुहले यादवलाई फोन गरि केहि काम छ भन्दै लहान वोलाएर जिपमा वसाएर अपहरण गरेको प्रहरीले वताएका छन्।मियाँलाई नियन्त्रणमा लिन लहानवाट प्रहरीको टोली महुली पुगीसकेको कर्णले बताएका छन्।
मियाँको महुलीस्थित घरमा अपहरीत यादव फेला नपरेको र मियाँ हिरासतमा आईसकेपछि उनीवाटा विस्तृत तथ्य खुल्ने कर्णले भने।
लहानका ईन्सोरेन्स कर्मचारी अपहरीत भएको २४ दिन वितिसक्दा पनि अझै उनको अवस्था अज्ञात नै छ।