डेनमार्कलाई हराउँदै नेपाल समूह ३ मा बढुवा, फाइनलमा अमेरिकासँग भिडन्त

काठमाडौं, भदौ २४ (नागरिक)- आइसीसी विश्व क्रिकेट डिभिजन ४ अन्तर्गत मलेसियामा भएका सबै पाँच खेल जित्दै नेपाल डिभिजन ३ मा बढुवा भएको छ। आइतबार नेपालले डेनमार्कविरुद्ध शानदार जित हात पार्‍यो। पानी परेर ओभर घटाइएको खेलमा नेपालले डेनमार्कलाई डकवर्थलुइस अनुसार २५ रनले पराजित गर्‍यो। भोलि हुने फाइनलमा नेपालले अमेरिकासँग प्रतिस्पर्धा गर्नेछ।