पृथ्वी राजमार्गमा ट्रक पल्टियो

रामेश्वर कार्की, धादिङ भदौ ९ - पृथ्वी राजमार्ग अन्तर्गत धादिङको जोगिमारास्थित हुगिदखोलामा आज राति १२ बजेतिर ट्रक पल्टिँदा ३ जना घाइते भएकाछन्। काठमाडौंबाट बुटवलतर्फ जाँदै गरेको ना ३ ख ४०५२ नम्बरको ट्रक त्रिशुली नदीको बगरमा खसेर दुर्घटना भएको इलाका प्रहरी कार्यालय गजुरीले जनाएको छ।
दुर्घटना परी ट्रकका चालक अमृत दाहाल , सहचालक अमिर तामाङ र समशेर तामाङ गम्भीर घाइते भएका छन्। घाइते सबै बारा निजगढका बासिन्दा हुन्। उनीहरुको राति नै उद्दार गरी उपचारका निम्ति काठमाडौ लगिएको छ। तीव्र गतिका कारण दुर्घटना भएको प्रहरीले अनुमान गरेको छ।