बस पल्टँदा ८ यात्रुको मृत्यु

बरुण पनेरु, डडेल्धुरा, असार १९- धनगढीबाट दार्चुला जाँदै गरेको बस दार्चुलाको ग्वानी गाविस वडा नं ६ बगौरामा दुर्घटना हुँदा ८ यात्रुको मृत्यु गएको छ । २७ जना घाइते भएका छन् । ना ४ ख ६६०८ नम्बरको बस आज बिहान ४ बजे दुर्घटना परेको थियो । बस सडकबाट २ सय मिटर तल खसेको त्यहाँ पुगेका उद्धारकर्मीले जनाएका छन् ।
घाइते यात्रुको उपचारको लागि डडेल्धुरा ल्याइँदै गरिएको छ । सामान्य घाइतेलाइ स्थानीय स्वास्थ्व चौकीमा उपचार गरिएको उद्धारकर्मीले बताएका छन् ।
मृत्यु हुने २ जनाको सनाखत भएको छ भने बाँकीको अहिलेसम्म सनाखत हुन सकेको छैन । सनाखत हुनेमा सर्मोली गाविसका एमाले जिल्ला सदस्य लक्ष्मीदत्त जोशी र ग्वानी गाविसका धवलसिंह धामी रहेका छन् ।
बिहान ४ बजे दुर्घटना भएको भएपनि ५ बजे घाइतेले फोन गरेर जानकारी गराएपछि दुर्घटनाबारे थाहा भएको थियो ।