विरामीको मृत्यु र कर्मचारी कुटपिटपछि क्यान्सर अस्पतालमा तनाव

चाँदनी हमाल, चितवन असार २९ - विरामीको मृत्यु हुनुमा लापरवाही भएको भन्दै अस्पतालका कर्मचारीलाई कुटपिट गरेपछि चितवनको क्यान्सर अस्पताल तनावग्रस्त बनेको । घटनाको विरोध गर्दै अस्पतालका कर्मचारीहरुले आकस्मिक वाहेकका सेवा ठप्प पारेका छन्।
ससस्त्र प्रहरीका पूर्व डिएसपी वीरबहादुर चन्दकी छोरी वर्षा चन्दको मृत्युको विषयमा उनले कर्मचारीमाथि आक्रमण गरेको कर्मचारीहरुले आरोप लगाएका छन्।
गएराति क्यान्सर रोगी चन्दको मृत्युको विषयमा पूर्व डिएसपी चन्दले स्टार्फ नर्स अनिता भुषाललाई कुटपिट गरेर घाइते बनाएको उनीहरुले बताए।
चितवनका प्रहरी उपरिक्षक भुपाल कुमार भण्डारीलेघटनाको विषयमा अनुसन्धान भैरहेको बताए। कर्मचारीले प्रशासन समक्ष सुरक्षाको माग समेत गरेका छन्। अहिले घटनाको विषयमा अस्पतालमा छलफल चलिरहेको छ।
चन्दकी छोरीको विगत डेढ वर्षदेखि उपचार भैरहेकामा गएराति मृत्यु भएको थियो। लापरवाहीकोआरोपमा घटना भएको भन्नेबारेमा भने पुष्टि भैनसकेको प्रहरीले जनाएको छ।