हावाहुरीका कारण एकको मृत्यु

सिन्धुलीमाढी, असार १३- आज अपराह्न हावाहुरीसँगै आएको असिना पानीका कारण एक वृद्धको मृत्यु भएको छ। मृत्यु हुनेमा सिन्धुलीको कमलामाई नगरपालिका- ५ निवासी ७७ वर्षीय मङ्गलबहादुर तामाङ रहेको सशस्त्र प्रहरी बलका प्रहरी नायब उपरीक्षक फडीन्द्र पौडेलले बताए।
उनकाअनुसार ग्वाङखोलाबाट घरतर्फ लाग्ने क्रममा हावाहुरीसँगै आएको असिना पानीका कारण लडेर उनको घटनास्थलमै मृत्यु भएको हो।
साथै हावाहुरीका कारण सदरमुकाम सिन्धुलीमाढीलगायत आसपासका गाउँ विकास समितिमा मकैलगायतका बालीमा क्षति पुगेको स्थानीय कृषकहरुले बताएका छन्। रासस
प्रतिक्रियाहरू (0)