एक नेपालीको थाप्लोमा १९ हजार ऋण !

४ साउन, काठमाण्डौं । बढ्दो बाहृय र आन्तरीक कर्जाका कारण हरेक नेपालीको थाप्लोमा १८ हजार रुपैयाँ भन्दा बढी ऋणको भार परेको छ । गत असार सम्ममा सरकारले पाँच खर्ब ९ अर्व रुपैयाँ ऋण लिएको छ । जसमध्ये ३ खर्ब ८ अर्व रुपैयाँ विदेशी रहेको खबर कान्तिपुर दैनिकले छापेको छ । यस अनुसार बैदेशिक ऋण नै प्रतिव्यक्ति ११ हजार चारसय रुपैयाँ रहेको छ ।
आन्तरिक समेत जोड्दा प्रतिव्यक्ति ऋण १८ हजार ८ सय पुगेको अर्थसचिव कृष्णहरी बास्कोटाले जानकारी दिनुभयो । आन्तरिक ऋण करिव २ खर्ब रुपैयाँ रहेको छ ।
पछिल्लो समय बढिरहेको राजनैतिक अस्थिरताका बावजुत पनि दातृ निकायहरुले नेपाललाई दिईने सहयोग बढाईरहेका छन् । ३ बर्षयता दाताले करिब ३ खर्ब रुपैयाँ सहयोग गर्ने प्रतिबद्धता जनाएको अर्थमन्त्रालयको तथ्यांक छ ।