रौतहटको महमदपुरमा गोली चल्यो, एकको मृत्यु

रौतहट, असार २१ (नागरिक)- रौतहटको महमदपुरमा स्थानीयवासी र प्रहरीबीच झडप हुँदा १ जनाको मृत्यु भएको छ । प्रहरीले स्थिति नियन्त्रणमा लिन गोली चलाउँदा मृत्यु भएको हो । एकसाता अघि जन्ति बोकेर गएको ट्याक्टरले मोटरसाइकललाई ठक्कर दिँदा मोटरसाइकल चालकको मृत्य भएको विषयलाई लिएर विवाद भएको थियो ।
प्रहरीले मान्छे मारेको भन्दै ट्याक्टर चालकलाईनियन्त्रणमा लिएको विषयलाई लिएर स्थानीयवासीले आन्दोलन गरेका थिए ।
स्थानीयवासीले ट्याक्टर चालक निर्दोष भन्दै उनलाई छाड्न आन्दोलन गरेपछि झडप भएको थियो ।
स्थिति नियन्त्रणमा लिन प्रहरीले ६ राउन्ड हवाइ फायर गरेको छ । यसै क्रममा दोहोरो झडपमा स्थानीय रमुद साह कलवारको मृत्यु भएको छ भने १ दर्जन भन्दाबढी घाइते भएका छन् ।
अहिले स्थिति नयन्त्रण बाहिर छ ।