त्रिचन्द्रमा खुकुरी हानाहान

राजधानीको घण्टाघरस्थित त्रिचन्द्र क्याम्पसमा बुधबार एमाले निकट अनेरास्ववियु र कांग्रेस निकट नेपाल विद्यार्थीसंघका कार्यकर्ताबीच खुकुरी हानाहान भएको छ ।
खुकुरी हानाहानमा अनेरास्ववियुका प्रारम्भिक कमिटी सचिव रामकिशोर सिंह घाइते भएका छन् । उनलाईउपचारका लागि मोडल अस्पताल भर्ना गरिएको छ ।
पशुपति क्याम्पसमा अखिल-नेविसंघबीच तीन साताअघि भएको गोली हानाहानपछि राजधानीमा दुई संगठनबीच आक्रमणका घटना बढेका छन् । घटनामा आफ्ना नेता पक्राउको विरोधमा अखिलले चरणबद्ध आन्दोलन गर्दै आएको छ ।
प्रकाशित मिति: २०६९ वैशाख २७ ०४:४२