आकाशमा दुई सैनिक हेलिकप्टर ठोक्किए

नयाँ दिल्ली, भदौ १४ (एजेन्सी) - गुजरातको आकाशमा भारतीय हवाई सेनाका दुई हेलिकप्टरहरु ठोक्किएपछि ८ सैनिकको ज्यान गएको छ। टाइम्स नाउले जनाएअनुसार दुबै हेलिकप्टर आकाशमै ठोक्किएका हुन्। जाम नगर जिल्लाको सर्मत गाउँमा दुर्घटना भएको बताइएको छ।
आइवीएन लाइभका अनुसार ठोक्किएपछि एउटा हेलिकप्टरमा आगो लागेको थियो। प्रहरी र हवाई सेनाका पदाधीकारीहरु घटनास्थल पुगिसकेका छन्। जामनगर नगरपालिकको दमकलसमेत घटनास्थल पुगेको छ।
जामनगरभन्दा १५ किलोमिटर दुरीमा दुर्घटना भएको हो। प्रत्यक्षदर्शीका अनुसार उड्नासाथ दुबै हेलिकप्ट ठोक्किएका हुन्। तालिमका लागि जामनगर एयर फोर्स बेसबाट हेलिकप्टर उडेका थिए।