एक तृतियांश बजेट १ खर्व ६१ अर्ब सार्वजनिक

काठमाडौ, असार ३१ - अर्थमन्त्री वर्षमान पुनले चालू आर्थिक वर्ष २०६९/०७० का लागि छुट्याइएको कूल बजेट मध्ये एक तृतीयांश बजेट प्रस्तुत गरेका छन् । जस अन्तर्गत १ खर्ब ६१ अर्ब २ करोड ४८ लाखको बजेट छुट्याइएको छ ।
अध्यादेशमार्फत ल्याइएको बजेटमा अर्थमन्त्री पुनले चालू अर्थिक वर्षमा तीन वर्ष यताकै उच्च आर्थिक वृद्धि भएको बताएका छन् । एक तृतीयांश बजेट भए पनि ठूला आयोजनालाई निरन्तरता दिने अर्थमन्त्रीको प्रतिबद्धता थियो । उनले भने, ‘ढुक्क भएर लगानी गर्नुहोस् ।’
अर्थमन्त्री पुनले पूर्ण बजेटको विकल्प नभए पनि सरकारले त्याग गरेर एक तृतीयांश बजेट प्रस्तुत गरेको बताए । उनले भने, ‘यसलाई सरकारको कमजोरीका रुपमा नभई सदसयताको रुपमा लिन म सबैमा अनुरोध गर्छु ।’ बजेटकै नाममा मुलुकमा द्वन्द्व बढाउने पक्षमा सरकार नरहेको पनि उनले उल्लेख गरे ।