स्याङजाको मेलमिलाप प्रोडक्सन प्रालीमा आगलागी

९ साउन, स्याङजा । स्याङजाको साँखरमा रहेको मेलमिलाप कृषि प्रोडक्सन प्रालीमा आगलागी भएको छ । आगोमा परेर त्यहाँ रहेका एक सय ४५ वटा बाख्रा जलेर मरेका छन् ।
स्याङजा सदरमुकामवाट ३० किलोमिटरको दुरीमा रहेको र्फममा बाख्रापालन, माछापालन र मौसमी तथा वेमौसमी तरकारी खेती गर्दै आएको सञ्चालक प्रमोद पोख्रेलले जानकारी दिनुभयो । बिदेश गएर फर्किएका ८ जना युवाहरुको सक्रियतामा बाख्रा फार्मको सञ्चालन भएको हो ।
पानी परिरहेको अवस्थामा आगलागी भएको भएपनि काठै काठले बनेको खोरमा आगो लागेका कारण नियन्त्रणमा लिन नसकिएको उद्दारकार्यमा खटिएका स्थानियबासीले बताएका छन् । उक्त र्फम गत मंसिरमा स्थापना भएको थियो ।