एक सय नाइट्रोसन ट्याबलेट सहित दुई जना पक्राउ

विराटनगर, असार १५औविराटनगर-३ स्थित विराट नर्सिङ होम पछाडि शङ्कास्पद अवस्थामा बसेका दुईजना युवालाई लागुऔषधसहित प्रहरीले पक्राउ गरेको छ। विराटनगर-२ बस्ने २० वर्षीय सुमन राई र विराटनगर-१० का १८ वर्षीय सुरज भुसाललाई लागुऔषधसहित पक्राउ गरिएको प्रहरीले जनाएको छ।
निजहरुका साथबाट नाइट्रोसन एक सय ट्याबलेट, एभिल ३३ नोजेसिक ३३, टिटी ३६, सिरिन्ज चार थानलगायतका सामान र रु ३१ हजार बरामद गरिएको जिल्ला प्रहरी कार्यालय मोरङले जनाएको छ। रासस