मिथलेश यादव, सिरहा, जेठ २८- लहान-५ मा बस्दै आएका २५ वर्षीय रामसागर यादव इटालियन पेस्तोलसहित पक्राउ परेका छन्। पेस्तोलसँगै चार राउन्ड गोलीसमेत बरामद भएको छ। उनी तराई एकता पिरषद् नामक भूमिसंगठनका सदस्य रहेको प्रहरीले जनाएको छ।
यादवले करिब १५ दिन पहिले श्रमजीवी बचत तथा ऋण सहकारी संस्थाका अध्यक्ष सुशीलचन्द्र अधिकारीलाई १० लाख रुपिया बराबरको चन्दा पत्र पठाएको थियो। पत्रकार उमा सिंह र शिक्षक अरुण श्रेष्ठको हत्याको जिम्मेवारीसमेत लिएको सो संगठनले अध्यक्ष अधिकारीलाई तीन दिनभित्र सो रकम उपलब्ध नगाराइए सिंह र श्रेष्ठकै हालत पार्ने धम्की दिँदै आएको थियो।
मोटो रकमको माग र दिनदिनैको फोन धम्कीले आतालिएका अधिकारी वडा प्रहरी कार्यालयमा उजुरी दिएका थिए। सोही उजुरीका आधारमा प्रहरी निरीक्षक वृजकिशोर चौधरीको नेतृत्वमा गएको टोलीले सिरहा महेशपुर पटार-३ धनछवारस्थित उनकै घरबाट यादवलाई पक्राउ गरेको थियो।
बाँकी कुरा अनुसन्धानपछि खुल्ने प्रहरी निरीक्षक चौधरीले बताए।
No comments:
Post a Comment