दुर्व्यसनी छोराले आफ्नै घरमा गोली प्रहार

महोत्तरी, श्रावण २१ -
मादक पदार्थ सेवन गरेका एक युवाले शनिवार आफ्नै घरमा गोली प्रहार गरेका छन् । जिल्ला प्रहरीका अनुसार कोल्हुवाबगिया ६ का ३१ वर्षीय विमलेन्द्र शर्माले आफनै बुबा राम दिनेशलाई ताकी एक राउन्ड गोली चलाएका थिए ।
घटनास्थलबाट प्रहरीले ९ एमएमको एक थान गोलीको खोका फेला पारेको छ । प्रहरीले लामो समयदेखि दुर्व्यसनमा परेका शर्माको परिवारसंग विवाद चल्दै आएको जनाएको छ ।
राती मातेको अवस्थामा घरको मूल ढोकामा लात्तले हानेपछि बुवा रामदिनेश दैलो खोली बाहिर निस्कन खोज्दा उनले गोली चलाएका थिए । घटनापछि फरार शर्मालाई प्रहरीले खोजी जारी राखेको छ ।