बाख्रा जोगाउन खोज्दा जन्ती बस दुर्घटना

आजै अरनिको राजमार्गमा अर्को पनि दुर्घटना
मधुसुदन गुरागाइँ, बनेपा, असार २९-अरनिको राजमार्गमा शुक्रबारको दुई छुट्टाछुट्टै बस दुर्घटनामा ५० भन्दा घाइते भएका छन्। अपरान्ह पाँच बजे एक जन्ती बस खस्दा ७ गम्भीर घाइते भएका छन्। काठमाडौंबाट जन्ती लिएर चौतारा जाँदै गरेको बा१ख ९३७२ नम्बरको बस होक्से-५, पचास किलोमा सडकबाट १० मिटर तल खसेको हो।
राजमार्गमा हिँडिरहेको बाख्रालाई जोगाउन खोज्दा बस खोल्सामा खसेको सई झाले जानकारी दिए। जन्ती मध्ये १४ लाई दोलालघाट र तामाघाटस्थित मेडिकलमा उपचार गराई घर पठाइएको पनि उनले बताए।
त्यसैगरी काठमाडौंबाट दोलखाको मैनापोखरीतर्फ जाँदै गरेको बा२ख ३५७२ नम्बरको यात्रुबस अरनिको राजमार्गको पाँचखाल-७, सर्वमंगलाचोकमा पल्टँदा बसमा सवार ५ गम्भीर घाइते भएका छन्।
बसमा ४० यात्रु सवार थिए। सामान्य घाइते ३१ जनालाई पाँचखाल प्रहरीले अर्को बसको व्यवस्था गरेर गन्तव्यतर्फ पठाएको पाँचखाल प्रहरी चौकीकाइन्चार्ज बाबुराम झाले जानकारी दिए।