बडिगार्डका हिरो सलमानले आफ्नै बडिगार्ड थपे

मुम्बई, भदौ ३० (एजेन्सी) - लोकप्रियताको मूल्य पनिचर्को हुने रहेछ।
सलमान खानका लागि यस्तै भएको छ। उनले हालै आफ्नो लागि थप ६ जना बडिगार्ड
थपेर १२ पुर्‍याएका छन्। बलिउडमा सबैभन्दा धेरै बडिगार्ड राख्‍नेमा उनी
पहिलो नम्बरमा पुगेका छन्। त्यसो त बक्स अफिसमा कमाउने रेकर्ड पनि उनकै
खातामा छ।
सलमानको सुरक्षा प्रमुख शेराले उनको बडिगार्ड थपिएको स्वीकारे। 'पहिले
भाइसँग ६ जना बाउन्सर थिए। अहिले १२ जना,' शेराले भने। सुरक्षाकै कारण
लखनउमा फिल्म दभङ्ग २ को सुटिङ रोकिएको थियो। यसपछि उनले वडिगार्ड थपेका
हुन्। दभङ्ग २ का निर्देशक तथा सलमानका भाइ अरवाजले सलमान आउने भनेर धेरै
मानिसहरु जम्मा हुँदा समस्या भएको जानकारी दिए।
पछिल्लो फिल्म एक था टाइगरले २ सय करोड रुपियाँको कारोबार गरेको थियो।
फिल्म सुपरहिट हुँदा नहुँदै उनको सुरक्षा थ्रेट बढेको थियो। उनलाई कसैले
थ्रेट दिएका भने होइनन्। सलमानका फ्यानबाट बच्न उनलाई थप सुरक्षा
दिनुपर्ने स्थिति भएको हो।