रात्रीबस पल्टियो, ६ जना घाइते

रामेश्वर कार्की, धादिङ साउन २९ पृथ्वी राजमार्ग अन्तर्गत धादिङको पिडा गाविस-२ घाटबेसीमा सोमबार विहान ५ बजेतिर यात्रुबाहक बस पल्टिँदा ६ जना यात्रु घाइते भएका छन् । बर्दिबासबाट काठमाडौं जाँदै गरेको ना ३ ख १९८९ नम्बरको बस घुम्तिसडकको भित्तामा पल्टिएर दुर्घटना भएको जिल्ला ट्राफिक प्रहरी कार्यालय गजुरीका प्रहरीनिरक्षिक हेमन्त थापाले जानकारी दिए।
घाइते मध्ये एक वृद्धामहिलाको अवस्था गम्भीर रहेको छ । घाइतेहरुको तत्काल उद्दार गरी गजुरी अस्पतालमा प्राथमिक उपचार पश्चात काठमाडौंस्थित स्टार अस्पताल पठाइएको छ । घाइतेहरुको तत्काल उद्दार गरी स्थानीय र प्रहरीले गजुरी अस्पताल पु¥याएका थिए ।
बस तीव्र गतिको कारण दुर्घटना भएको प्रहरीले जनाएको छ । घाइतेहरु वर्ष ६५ की फुलकुमारी लामा जनकपुर, ६५ वर्षकी शानित बस्नेत धनुषा, ५० वर्षका पर्मेश्वर महतो महोत्तरी, १५ वर्षका नेत्र चौहान सिन्धुली, ५५ वर्षिया लक्ष्मी रोका सिन्धुली र ४५ वर्षका अर्जुन महतो धनुषा रहेका छन् । भाइते मध्य लक्ष्मी रोकाको असव्था गम्भिर रहेको गजुरी असपतालले जनाएको छ । बस चालक इलाका प्रहरी कार्यालय गजुरीको नियन्त्रणमा रहेको प्रहरीले जानकारी दियो ।