विद्यार्थी बोकेको बस पल्टियो

रितेश त्रिपाठी, बीरगन्ज, साउन २९ - बीरगन्जबाट बाराको उत्तरी भेग लिपनी बिर्ता जाँदै गरेको स्कुल बस आज बिहान पल्टेको छ । विद्यार्थी बोकेर जाँदै गरेको लिटिल फ्लवार बोर्डिङको बस बिर्ताको वडा नम्बर ६ मा पल्टिएको जिल्ला प्रहरी कार्यालयले जनाएको छ । बस पल्टिँदा १५ विद्यार्थी घाइते भएको प्रहरीको अनुमान छ । प्रहरीले घाइते हुनेको संख्या अझै बढि हुन सक्ने बताएको छ ।
घाइते विद्यार्थीको नेशनल मेडिकल कलेजमा उपचार भइरहेको छ । बसमा ४० जना स्कुले विद्यार्थी चढेका थिए । दुर्घटनाबारे बुझ्न खोज्दा विद्यालयको व्यवस्थापनसँग सम्पर्क हुन सकेको छैन ।
घटनास्थल पुगेका अभिभावकले ड्राइभर नभएपछि शिक्षकले नै बस चलाउँदा दुर्घटना भएको हुन सक्ने शंका गरेका छन् । ड्राइभर फरार छन् ।