गोलि हानी दुईको हत्या

३० साउन, रौतहट । रौतहटको अकोलवा गाविस ८ बलुवा टोलमा दुईजनाको हत्या भएको छ । अज्ञात समूहको गोली प्रहरबाट स्थानिय ४६ वर्षीय शेख गफ्फार तथा उनकी श्रीमती ४० बर्षकी सहनाज बेगमको हत्या भएको हो ।
गए राति साढे ११ बजे १५/२० जनाको सँख्यामा आएका हातहतियार सहितको एक समूहले गोलि हानी उनीहरुको हत्या भएको हो । गफ्फारको दाहीने कन्चटमा गोलि लागेको छ भने सहनाजलाई घाटीमा गोलि लागेको छ ।
गोलि चलेको आवाज आएपछि स्थानियले प्रतिकार गर्न खोज्दा दुई छिमेकी लाई पनि गोलि लागेको छ । गोलि लागी घाइते हुने हरुमा शेख सोअेब तथा सकिना खातुन रहेको जिल्ला प्रहरी कार्यालय गौरले जनाएको छ ।
घाइतेको अवश्था गम्भीर छ । उनीहरुको नारायणी उपक्षेत्रिय अस्पताल विरगंजमा उपचार भईरहेको छ । घटनामा सँलग्न रहेको आशंकामा प्रहरीले मृतकका दाजु शेख मोबारक तथा अर्का एक शेख बिलर लाई पक्राउगरेको जनाएको छ । दुई दाजु भाइमा जग्गा सम्बन्धी विवाद रहेको तथा घटनामा तमसुक तथा कपाली कागजहरु लुटिएकोले जग्गाकै लागी हत्या भएको हुन सक्ने प्रहरीको प्रारम्भीक अनुमान रहेको छ । मृतक परिवारका चार छोरा तथा ६ छोरी रहेका छन ।