उम्मेदवारको आँखामा ठूला गाविस

पाल्पा, कार्तिक २० - यतिबेला सबै राजनीतिक दलका उम्मेदवारको पहिलो रोजाइ
ठूला गाविस बनेको छ । जहाँको मत चोर्ने दाउमा सबै उम्मेदवार लागेका हुन्
।
तर, गत संविधानसभा निर्वाचनको मत अन्तरलाई आधार मान्ने हो भने क्षेत्र
तीनमा ठूला तीन दलका लागि जुनसुकै गाविस पनि निर्णायक बन्न सक्ने अवस्था
छ ।
ती ठूला गाविसमा उनीहरु आफ्नो पक्षमा भोट बढाउन र विपक्षीका भोट काट्न
लागि परेका छन् । राजनीतिक दल, उम्मेदवार चुनावका लागि ती गाविस
महत्वपूर्ण मान्दै त्यही केन्द्रीत बनेका छन् । 'ठूला गाविसमा मत चोर्न
नसके चुनाव जित्नै समस्या हुन्छ' कांग्रेस क्षेत्र न २ का सभापति
कृष्णप्रसाद बस्यालले भने, 'त्यसैले पनि त्यही प्रयास गर्न जानै पर्छ ।'
उनले अहिले तीन ठूला दलका उम्मेदवारहरु ठूला गाविसमा मत तान्ने प्रयासमा
रहेको बताए । जिल्लाका तीनवटै निर्वाचन क्षेत्रमा अहिले ठूला गाविसमा
उम्मेदवारको तारो बनेका छन् ।
मतदालाई प्रलोभानमा पार्ने, घरदैलो गर्ने, मतदाता भेटघाट गर्ने झुटा
आश्वासन बांड्नेसम्मका खेल ती गाविसमा भएका छन् । केही उम्मेदवार लिखित
कागज गर्दै आफू पक्का मन्त्री हुने र बाटो ग्राभेल गर्ने, पक्की
मोटराबाटो बनाउने जस्ता झुठा आश्वसान दिएको एकले अर्कोलाई आरोप लगाउनसमेत
सुरु भएको छ । एक लाख ३८ हजार मतदाता रहेको यस जिल्लामा तीनवटा मध्ये
सबैमा समान मतदाता छन् । क्षेत्र १ मा ४५ हजार १ सय ५४, क्षे २ मा ४५
हजार ८ सय ७५, क्षेत्र ३ मा ४६ हजार ४ सय ३२ मतदाता छन् ।
क्षेत्र १ मा ०४८ मा कांग्रेस र त्यसपछिका सबै निर्वाचनमा लगातार एमालेले
आफ्नो पकड जमाउदै आएको छ । यस क्षेत्रका लागि निर्णायक क्षेत्र भनेको
रामपुर, दर्छा, खालीवन नै हुन् । त्यसमध्ये रामपुरमा यस पटक ५ हजार ६ सय
५१ मतदाता छन् ।
रामपुरपछि निर्णायक बन्न सक्ने दर्छामा ३ हजार ९ सय ५५ र खालिवनमा ३ हजार
१ सय १४ मतदाता छन् ।
गत संविधान सभा निर्वाचनमा क्षेत्र एकको रामपुरबाट एमालेले १ हजार ५ सय
२६, कांग्रेसले २ हजार ५ सय ११ र नेकपा माओवादी ३ सय ६१ मत पाएका थिए ।
खालिवनमा एमालेले १ हजार १ सय ४०, कांग्रेसले १ हजार ८२ र माओवादीले २ सय
९८ मत पाएका थिए ।
त्यस्तै दर्छाबाट एमालेले १ हजार ८ सय ३०, कांग्रेसले १ हजार ७ सय ६३ र
माओवादीले १ सय ४५ मत पाएका थिए । क्षेत्र १ मा बहादुरपुर सबैभन्दा कम
मतदाता संख्या भएको गाविस हो, जहाँ ७ सय २६ मतदाता छन् ।
क्षेत्र २ मा मदनपोखरा गाविस सबैभन्दा बढी मतदाता भएको गाविस हो । यस पटक
पनि ३ हजार ५ सय ८८ मतदाता छन् । दोभान क्षेत्र न २ का लागि निर्णायक
गाविस हुन सक्छ । जहाँ यस पटक ३ हजार ३ सय ३८ मतदाता छन् ।
यस्तै, पिपलडाँडा २ हजार ९ सय ५५, कसेनी २ हजार ७ सय ८४, चिर्तुङधारा २
हाजर ६ सय ४५ र मस्याममा २ हजार ५ सय १२ मतदाता छन् । यी गाविस निर्णायक
रुपमा देखिएका छन् ।
अघिल्लो संविधानसभामा मदनपोखरामा एमालेले १ हजार ७ सय ८०, कांग्रेसले ४
सय ५१ र माओवादीले ५ सय ५१ मत पाएका थिए । दोभानबाट एमालेले ३ सय ३०,
कांग्रेसले ४ सय ६४ र माओवादीले १ हजार ४ सय ८८ मत पाएका थिए । त्यस्तै
पिपलडाँडाबाट एमालेको ५ सय ७९, कांग्रेसको ८ सय ५० र माओवादीको ८ सय ९०
मत थियो । चिर्तुङधाराबाट एमालेले ३ सय ४२, कांग्रेसले ४ सय २८ र
माओवादीले १ हजार २ सय ४ मत पाएका थिए ।
मस्याममा एमालेले ७ सय ६, कांग्रेसले ५ सय ३० र माओवादीले ६ सय २ मत
पाएका हुन् । यो क्षेत्रमा रुप्से सबैभन्दा कम १ हजार १ सय ४२ मतदाता
भएको गाविस हो ।
क्षेत्र ३ का लागि तानसेन नगरपालिका सबैभन्दा बढी निण्र्ाायक हुने अनुमान
दल र उम्मेदवारको छ । तानसेनका १५ वडामा १० हजार ९ सय ७९ मतदाता छन् ।
तानसेन, ११ मा सबैभन्दा बढी १ हजार २ सय १७ मतदाता छन् । त्यसपछि तानसेन,
९ मा १ हजार १ सय ९५ र तानसेन, १० मा १ हजार १ सय २८ मतदाता छन् ।
क्षेत्र ३ मा मत फरक पार्ने गाविससमेत छन् । त्यहा आउने मत कुनै पनि
उम्मेदवारका लागि हारजितको कारण बन्न सक्ने अवस्था छ । छहरा सबैभन्दा
बलियो छ । यहाँ २ हजार ८ सय ७१ मतदाता छन् ।
भुवनपोखरीमा २ हजार ७ सय ५५ मतदाता छन् । अर्गलीमा २ हजार २ सय २७ मतदाता
छन् । यी गाविसले निर्वाचनमा हारजितलाई असर गर्नेगर्छ ।
पहिलेको संविधानसभा चुनावमा क्षेत्र ३ को छहराबाट एमालेले ७ सय २४,
कांग्र्र्रेसले ९ सय ३५ र माओवादीले ५ सय ५६ मत पाएका थिए । भुवनपोखरीमा
एमालेले ७ सय ८३, कांग्रेसले ७ सय ६, माओवादीले ७ सय ९६ मत पाएका थिए ।
अर्गलीमा एमालेले ५ सय ४९, कांग्रेसले ६ सय ८७ र माओवादीले ६ सय ४५ मत
पाएका हन् । तानसेनको वडा नम्बर ११ मा एमालेले ३ सय ३३, कांग्रेसले ३ सय
१० र माओवादीले २ सय ७४ मत पाएका थिए । वडानम्बर ९ मा एमालेले ३ सय ४९,
कांग्रेसले २ सय ३० र माओवादीले २ सय ८० मत ल्याएका थिए ।
तानसेनकै, १० नम्बर वडाबाट एमालेले १ सय ६३, कांग्रेसले २ सय ४ र
माओवादीले ३ सय ७३ मत पाएका हुन् । क्षेत्र ३ मा कुसुमखोला सबैभन्दा कम
१ हजार १९ मतदाता संख्या भएको गाविस हो ।
प्रकाशित मिति:२०७० कार्तिक २० ० source kantipur.com