मोबाइल चार्ज गर्दा युवतीको मृत्यु

मिथिलेश यादव, सिरहा, साउन ३१ - सिरहाको इटहर्वा २ मा करेन्ट लागेर एक महिलाको मृत्यू भएको छ। विदेशबाट श्रीमानले पठाइदिएको मोवाईल चार्ज गर्ने क्रममा बुधबार बिहान करेन्ट लागेर २६ वर्षीया इन्दुदेवी पासवानको मृत्यू भएको छ।
वडा प्रहरी कार्यालय लहानका प्रहरी निरीक्षक खगेन्द्र खड्काका अनुसार, करेन्ट लागेर घाइते भएकी पासवानको उपचारको क्रममा स्थानीय स्वास्थ्य चौकीमा मृत्यू भएको छ। मृतक पासवानकी श्रीमान बैदेशिक रोगजारका क्रममा खाडी मुलुकमा छ।
मृतक पासवानकी चार छोरा-छोरी छन्। बुबा विदेशमा भएको वेला अभिवावक आमा गुमाउँदा छोरा-छोरीको विजोग भएको छ।