प्रचण्डदेखि कटवालसम्मलाई युरोप जान जोखिम

२२ पुस, काठमाण्डौं । कर्णेल कुमार लामा पक्राउ प्रकरणपछि एकीकृत नेकपा
माओवादीका शीर्षस्थ नेतादेखि तत्कालीन सेनापतिसम्मलाई युरोप भ्रमणमा जान
जोखिम देखिएको छ । अन्तराष्ट्रिय फौजदारी अदालतका साझेदार देशरुले
उनीहरुलाई पनि पक्रन सक्ने विज्ञहरुले बताएका छन् ।
ती देशमा युद्ध अपराधसम्बन्धी उजुरी परेको खण्डमा पक्राउ पर्ने जोखिम
रहेको हो । युरोपियन युनियनका सवै मुलुक उक्त अदालतका साझेदार हुन् ।
पक्राउ पर्न सक्नेमा एकीकृत नेकपा माओवादीका अध्यक्ष पुष्पकमल दाहाल
प्रचण्डदेखि नेपाली सेनाका पूर्वसेनापति रुक्मांगद कटवालसम्म छन् ।
१० बर्षे माओवादी जनयुद्धमा राज्य र विद्रोही दुबै पक्षबाट मानवअधिकार
उल्लघंनका धेरै घटना भएका थिए । इन्सेकका अध्यक्ष सुबोधराज प्याकुरेलका
अनुसार दुवै पक्षका सैन्य कमाण्डर यस्ता अपराधमा मुछिएकाले पक्राउ पर्न
सक्छन् । उनले भने 'सैन्य कमान्डर सम्हाल्नेहरु कै निर्देशनमा त्यस्ता
अपराध भएका छन्, चाहे त्यो राज्य पक्षबाट होस वा विद्रोही । उनीहरु
विरुद्ध अन्तराष्ट्रिय फौजदारी अदालतका सदस्य राष्ट्रहरुमा उजुरी पर्‍यो
भने ती राष्ट्रकोक्षेत्राधिकारभित्र प्रवेश गर्दा जुनसुकै बेला पक्राउ
पर्न सक्छन्,' सौर्य दैनिकमा खबर छ ।