११ मन्त्रीहरुको शपथ ग्रहण केही बेरमै

आज राति ९ बजे ११जना मन्त्रीहरुले राजनीतिक सहमतिको सरकारमा मन्त्री पदको शपथ ग्रहण गर्दैछन्। शपथ ग्रहण गर्नेहरु माओवादीका पाँच, मधेसी मोर्चाका चार र कांग्रेसका दुई जना छन्।
प्रधानमन्त्रीका स्वकीय सचवि विश्वदीप पाण्डेले दिएको जानकारी अनुसार माओवादीबाट नारायणकाजी श्रेष्ठ, पोष्टबहादुर बोग्टी, वर्षमान पुन, टोपबहादुर रायमाझी र दीनानाथ शर्माले शपथ खाँदैछन्।
त्यस्तै कांग्रेसका कृष्णप्रसाद सिटौला र सूर्यमान गुरुङ शपथ खाँदैछन्। मोर्चाबाट विजयकुमार गच्छदार, हृदयेश त्रिपाठी, महेन्द्र यादव र राजकिशोर यादवले शपथ खाँदैछन्। मोर्चाका मन्त्रीहरुले पूरानै मन्त्रालय सम्हाल्नेछन्।
स्वास्थ्यमन्त्री राजेन्द्र महतो भने आफ्नो दल सद्भावना पार्टोको अधिवेशनमा जनकपुर व्यस्त रहेकाले भोलिमात्र शपथ ग्रहण गर्नेछन्।
शपथग्रहण लगत्तै मन्त्रीहरु सिंहदरबार जानेछन् र तत्कालै मन्त्रिपरिषद्को बैठक बस्नेछन्।